新春佳節, 與家人朋友團聚, 互相祝福, 必定係賞心樂事！
黃笏南校友會喺龍年3月9日晚上6時30分（農曆正月廿九）再次舉辦闊別多年嘅新春盆菜晚宴, 讓一眾校友新春期間回校與舊同學相聚, 懷緬過去並且為大家送上祝福！歡迎攜同親友出席！我哋都會邀請曾經喺母校任教嘅老師一同參加, 讓大家有機會多謝老師春風化雨！
今次晚宴將會喺學校禮堂舉行, 因場地所限, 名額有限, 有興趣參加嘅校友請喺3月1日之前報名。報名請填妥以下電子表格, 並將款項每位
$300元存入校友會戶口：012 589 0 0029763（中國銀行戶口名稱：Tung Wah Group of Hospitals Wong Fut Nam College Alumni Association), 將銀行過數紀錄分享至校友會whatsapp：70729886, 之後我哋就會經whatsapp確認報名。
校友一次過報名12位, 可獲12位優惠價 $3300 。
報名電子表格：https://forms.gle/GZAkyLSQmqRWz1Uz5
當晚出席校友及嘉賓, 請穿著任何帶有紅色服裝或裝飾, 我們會選出一位最佳服裝獎得主奪得豐富禮物！
收取之款項, 扣除必要成本後, 餘額將會撥入校友會學校添置器材基金, 讓一眾師弟師妹受惠。