各位母親節快樂！ 呢個特別嘅日子, 你有冇諗起母校呢？有一班同學, 50 年前離開母校！
50 年對於好多人嚟講, 好似係一個好長嘅時間, 對於 1973 年喺東華三院黃笏南中學畢業嘅校友嚟講, 今年就係佢哋畢業 50 週年啦！
73年畢業的校友, 入學時學校個名都仲叫做「東華一中」, 畢業時學校個名已經改咗做「東華三院黃笏南中學」, 見證母校歷史性嘅一刻, 難能可貴！
因疫情關係, 校友會聚餐已停辦幾年； 今年疫情過去, 校友會將於本年 8月 26日, 再次舉辦校友會聚餐！為紀念73年畢業校友畢業 50 週年, 校友會現正誠意邀請 73 年畢業校友, 一同籌劃今年校友會學校聚餐, 讓其他校友一齊分享 73 年畢業校友嘅喜悅！
有興趣嘅 73 年畢業校友, 請在 5月 30日前電郵校友會 contact@wfnaa.org , 我哋會有專人聯絡有興趣嘅 73 年畢業校友。